kenangan di Bukit Subok

Aku dulu ada kumpulan, tapi kumpulan ku atu ku rahsia kan saja lah.  Masatu, kami malar lepak, kemana saja kami mesti semua ada nada ada yangtinggal, macam ikung kata orang.  Aku ma kawan-kawan ku lepak-lepak saja, nada pandai kelaie, kana kacau pun nda kami membalasi.  Pasal kami selalu lepak, kami pun keboringan jua nada ada kan dibuat, jadi kami pun merancang lah kan ngadakan hiking di bukit subok sebalah bangunan bubungan dua belas.  Semua orang kami ni setuju, daripada kami lepak ganya baik jua ada cadangan cematu atu.  Jadi kami pun ngontek yang lain kalau ada yang mau ikut lagi.  Jadi kami pun menatapkan orang-orangnya, laki-laki kami 8orang, bini-bininya 3orang.  Kami merancang ke subok hari minggu.

Sudah datang harinya, hari minggu, kami pun bekumpul di rumah si Alley.  Banyak barang jua kami macam makanan minuman, tambak dan lain-lain lagi.  Bila semuanya sudah ada, kami pun bertolak ke bukit subok memakai perahu tambang.  Datang di sana, awal-awal atu sudah kambang bulu ku, tapi inda ku bagitau, jadi naik lah kami ani ke tangganya tapi inda lalu keatas sekali belok kekanan kami.  Belok ke kanan atu ada nampak rumah kosong dibawah macam rumah bidan sana atu, tapi inda jua kami takut lah, serius saja sampai kepondok kami rehat sekajap menunggu yang lain lagi, di pondok atu kami ani mengacau barang sana, kami umban kayu yang ada di atas meja, kami ucap tampat sana atu inda bersih dan macam-macam lagi.  15minit kami menunggu akhirnya datang jua durang ani, aku pun jalan lagi ke atas, ada pondok dan sana tah kami lepak sambil membuka semua barang-barang ku bawa atu.  Tapi ada yang ganjil, masa tu sebelum ku naik di pondok atu, si awang(kawanku jua) ada di atas awal melambai-lambai ku di bawah aku pun ketawa-ketawa meliat gelagatnya di atas atu, tapi udah ku di atas ia nada.  Pastu sudah ku liat lagi ada si Awang ani baru datang sama durang si idris, alley, gnui dan yang lain-lain.  Ku tanya lah ia.
"eh laju kau bepusing wang, tadi datang kau sudah eh disini"
si awang balas
"aku jua baru sampai sama durang ani, urang lain kali kau liat atu eh" sambil ketawa-ketawa.
Aku pun diam ta jua.

Lapas atu, kami pun mula tia memasak, tapi si awang ani katanya ia jalan dulu kan meround bukit ani.  Tapi inda sampai 5minit ada tia lagi muncul dari bawah.  Kami semua hairan, yang ia laju meround bukit sedangkan tangganya tinggi ngalih kalau belusir.  Tapi katanya ia baru jua datang pasal akhir bangun.  Huh!!! kami yang mendangar ani diam ta jua ganya, sudah atu kami pun makan ni ayam yang aku masak ah, tapi hairannya si awang ani inda mau makan katanya kanyang ia masih, kami biarkan lah saja.  Pastu hujan turun, durang si ali idris gnui dan yang lain-lain semua iski mandi ujan, tapi durang ani main kelaie ta pulang yata si alley ani time atu macam inda sadarkan diri menumbuk kuat-kuat.  Di kancingnya sampai inda mau lapas lagi urang di kancingnya, kami pun apa lagi kami tumbuklah si alley ani, akhirnya lapaskannya.  Sudah di tanya, katanya ia mengancing pelahan jua ganya tu, kami semua ketawa-ketawa katanya ia meliat, sedangkan masatu kami marah-marah.  Pasal luan takut sudah sama inda nyaman hati, kami pun memanyap barang kami dan terus jalan.  Dalam perjalanan turun atu tanah licin dan aku pun tegelincir sampainya aku inda dapat kan naik, si idris yang masa tu dapan ku hanya mengetawakan aku masa tu yang kepisan-kepisanan sudah dan akhirnya Gnui menarik tangan dan aku terselamat.  Aku pun menyumpah si idris yang ketawakan aku yang inda mau menolong aku.  Lalu aku, Gnui, Alley sama idris mengetuai di depan. 

Dalam pejalanan atu jua, rumah kosong yang di bawah atu, seperti mengaburi mata si idris, dan idris pun bekata pat kami 3,
"eh baik tah tani lalu sini, ada lubang pat pagar ah, tambus ni menuju ke lagun bawah tarus."
aku "eh talur nada jua ada lubang ni meliat kau rumah bawah atu kosong jua tu."
ia lagi "kosong apanya, inda kau meliat urang menyapu ah, lawa lagi rumahnya.  Bah laju tah masuk.  Dulu aku ma si fahmi sini jua lalu, tambus jua ke lagun.  Ani ngalih ku bejalan"
Gnui lagi nyampuk "mana lubang mu ah, nada lubang ni, jalan saja ku tampar kang mua mu ah"
Si alley lagi, "eh awu ah, ada jua lubang ni Zam, nui.  Laju tah masuk masuk"

Aku ma Gnui pun menarik si alley ma si idris sambil bejalan malas melayan durang cematu, tapi sambil bejalan si idris macam menyamal pasal kemahuan nya inda kami turuti, tapi demi keselamatan, marah pebaik ya inda kami ingau masatu.  Sudahnya kami semua datang kelagun subok, semua dah okay, aku pun tanya si idris pasal tadi.  Dan katanya, antah eh mana ia tau.  Dan katanya banar ada lubang.  Si alley di tanya, mana ada ia cakap cematu katanya.  HAIRAN kami jua lah..

Sampai lagun rumah kami, si Azim pun becakap yang ia ada tegamabr mua hantu katanya masa ia kan menggambar 3urang bini-bini yang kami bawa ah.  And bini-bini di gambarnya inda pulang ada ni.  Dan lapas atu durang inda lagi ada berani kesana.  Tapi aku okaylah mun kesana, kalau sorang jangan tah dulu. end...